مسرحية رفيج ولد الوزير

2009-07-12

طبعا الكلام اليوم كله عن موضوع المحور الأول من إستجواب وزير الداخلية الخاص بإعلانات إنتخابات 2008
وليش الوزير بس حول الموضوع للنيابه بدون بيان إي أدله أو تهم
هذي معلومه حق إلي ما يعرف خلفية الموضوع
مناقصة الإعلانات تم ترسيتها على شركة إعلانات يملكها أحد أبناء وكيل وزاره سيادية ويقال إنه ولد وكيل وزارة الخارجيه
ولد وكيل وزارة الخارجية يقال إنه رفيجه حيل ولد وزير الداخلية
(حلوه يقال)
الجماعة ضبطوا الموضوع من باب ما يخدم بخيل ورسوا المناقصه على ولد الوكيل
وبس هذي السالفه
إذا إلي خذوه حلال
عليهم بالعافيه
وإذا حرام
زمهرير ببطونهم
يعني إتوقعون إن الوزير بيودي ولده ورفيجه للنيابه
يا جماعه ترى السالفه كلها يقال وآنا ما قلت شي مو تفتنون
وبعد اليوم تاجر مخدرات محكوم عليه بالإعدام إنحاش
وبعد مديرعام التحقيقات بوزارة الداخلية وقفوه عن العمل لأنه مخربط
راح يكون صيف حار حار مغبر على الوزير

3 التعليقات:

ma6goog يقول...

انا اقول زمهرير

و على ذمة حجي يقال

صوت الكويت يقول...

ma6goog

لا والأخ مسوي عرضه عند ديوانه يمكن ولد الوكيل مسويها له

ميمة السبيت يقول...

اها الحين فهمت السالفة مشكور عالتوضيح ، كل ما ادش على بوست يتحلطمون بس محد كاتب شالسالفة

 
 
 

تم إفتتاح المدونة بتاريخ 5 يوليو 2009