تفضلوا على العشا يالربع

٢٠١٠-٠٣-٢٥

بمناسبة حصول وزير الإعلام على ثقة مجلس الأمة .. وعلى أثره أصبحت النتيجة 6 - صفر لصالح الحكومة.

وبما إنني لا اشجع أي طرف لأن الطرفين طايحين من عيني ومو كفو أحد يشجعهم

ولتزامن هذا الموضوع مع مناسبة بدأ ظهور أول سنيْن من أسنان ولدي الجعده بعد مضي عشرة شهور على ولادته.

وبما إنه من عادتي إطلاق أسماء على أول سنيْن يظهرون من أسنان أولادي

وعليه قررت أن أطلق على سنيْن ولدي الجعده إسمي الحكومة والمجلس

علما وكما هو معروف إن هذه الأسنان تسمى بالأسنان اللبنية وتتميز إنها لها عمر إفتراضي ثم تسقط إلى الأبد .. وبعدها تظهر أسنان قوية ودائمة.


وعليه وبناءا على ما سبق تفضلوا على عشاء أسنان ولدي الجعده .. وبالعاااااافيه



10 التعليقات:

غير معرف يقول...

الله يحفظه ويخليه لك ان شاء الله وتشوف عياله وعيال عياله :)

بس عندي سؤال بالنسبه حق الصوره ابي اعرف العيش الي بالنص شلون بيوصلون له ؟

Anonymous Farmer يقول...

ناقصك نطاطية

البس هافك و طب
حتى سبحة الفراشه
تقدر تسبح :)

غير معرف يقول...

على طاري 6/صفر تذكرت مباراة الكويت ومنغوليا اللي إنتهت يمكن 13/ صفر وحصل الهويدي سنتهاعلى هداف العالم.
طبعاً الحكومة هي المنتخب والمجلس منتخب منغوليا وطبعاً الهويدي معروف ؟ وفرقة مريان ومرزوقة (الجمهور ).
الله يخليلك الجعدة ..والحمد الله إن هالسنين بيطيحون بالروضة وإلا كان يابلك الضغط والسكر وتصلب الشرايين اللة يحفظك .

مرقابي

صوت الكويت يقول...

غير معرف 1

مشكووور

بالنسبه للصوره سألت وقالولي يوصلون عن طريق الإنزال الجوي !!:)

صوت الكويت يقول...

Anonymous Farmer

:)) موجوده بس مو بينه بالصوره

صوت الكويت يقول...

عاضه

تسبح وتغوص :))

صوت الكويت يقول...

مرقابي

مشكووور


على طاري الكره والمجلس سمعت إن المجلس راح يطبق الإحتراف ويقال راح إييبون عنبر سعيد .. صج ليش ما كو خوال بالمجلس المفروض الخوال يسوون فرعيه!؟

YusuF.AsKR يقول...

((:

قبل كانوا الناس منقسمين مابين معارض للحكومه و مؤيد لها ! والمجلس كذلك !

الحين صرنا ما نشجع أو نؤيد لا الحكومه ولا المجلس (: والمسمى لهالحاله الجديده هذي مجهووول للحين !

فعلا لا اداء مجلس الامه مقنع ولا الحكومه وتحركاتها مقنعه !

أعتقد أن الشعب سيصبح راديكالي !! إن تمت الاوضاع على ماهي عليه !!

و الله يخليلك ولدك ويكبره إنشالله ويبعده عن عضوية مجلس الأمه ههههه

تحياتي الصباحيه لـئـلك ياعزيزي

(:

صوت الكويت يقول...

أبوغرايم

مشكووور :)

إنشاء الله المستقبل لأبناءنا يكون أفضل .. ويكون جيل يستوعب مفهوم الديمقراطية بالشكل الصحيح ويكون للحكم بطانه صالحه

 
 
 

Powered By Blogger

تم إفتتاح المدونة بتاريخ 5 يوليو 2009