هل سبق أن دخل بحسابك البنكي مبلغ بالخطأ .. أو سمعت من أحد معارفك أن حصل له هذا الأمر .. ماذا كنت سوف تعمل لو حصل لك كما حصل للحبيب العمراني التونسي ...
رفض نادل بسيط يعمل في مطعم بمدينة سوسة التونسية ان يصبح مليونيرا حين أعاد 120 مليون دينار (90 مليون دولار) لبنك حولها الى رصيده بطريق الخطأ.
وقالت صحيفة الشروق التونسية ان خطأ بنكيا جعل رصيد النادل الحبيب العمراني 120 مليون دينار بدلا من 120 دينارا فقط.
وأضافت ان الكثير من الاصدقاء والجيران حثوه على عدم تصحيح الرصيد لكنه استمع لصوت الضمير وتوجه للبنك معلنا الخطأ ومطالبا بتصحيحه.
ونقلت الصحيفة عن العمراني قوله "لقد اضاف الي الموظف البنكي اصفارا مضاعفة... قد يكون مرهقا وهو من أوفى اصدقائي ولم اجد منه ومن كل الموظفين بهذا البنك طوال حياتي الا المعاملة الحسنة والمساعدة ".
وقالت صحيفة الشروق التونسية ان خطأ بنكيا جعل رصيد النادل الحبيب العمراني 120 مليون دينار بدلا من 120 دينارا فقط.
وأضافت ان الكثير من الاصدقاء والجيران حثوه على عدم تصحيح الرصيد لكنه استمع لصوت الضمير وتوجه للبنك معلنا الخطأ ومطالبا بتصحيحه.
ونقلت الصحيفة عن العمراني قوله "لقد اضاف الي الموظف البنكي اصفارا مضاعفة... قد يكون مرهقا وهو من أوفى اصدقائي ولم اجد منه ومن كل الموظفين بهذا البنك طوال حياتي الا المعاملة الحسنة والمساعدة ".
الآن لو حصل لك كما حصل للمواطن التونسي ودخل بحسابك مبلغ وقدره 20 مليون دينار .. وترددت بإتخاذ قرار إرجاع المبلغ إلى البنك وذهبت لإستشارة زوجتك بالأمر ... ماذا سوف يكون رد زوجتك المصون !!!!؟
المشاركات
26 التعليقات:
إذا رضى عليك الفتي الذهبي وشغلك غسالة عائلية .. والله ماتدري من وين تدخل الملايين بحسابك وتطلع .. ماعليك إلا تحط بحسابك شوية دبس علشان تلزق الخردة وترضى عنك أم العيال وتخليك تقعد بالديوانية طول اليوم تضرب فُرش وتمسح جوخ .. وسلملي على مريزيقة ومريانوه
مرقابي
شبي برأيها؟؟!
أنتِ طالق
:)
اسألو واحد الفضل يرجع حق منو انك صرت مليونير قال زوجتي قالوله انزين قبل الزواج عيل شكنت قال ملياردير
اتوقع عرفت اجابة الزوجه
- دخل بحسابي مليون
- والله وشبتسوي فيهم؟؟
- بردهم البنك
- ويييييه ( مع كمه) مالت عليك ماتتعرف تتصرف لابارك الله فيك ولا بالساعه اللي عرفتك فيها
كل الشعب اللي سبقوني مصورين ان المره اهي اللي مودرتهم
ويبون الفكه منها من اييهم المليون
من نواياكم كلهم مفلسين
:)
الله يرزقنا برزقه الحلال
ويبعدنا عن الحرام
ويخلي لكم حريمكم يارب
:)
مرقابي
هذا زمن الردى .. الفتى الذهبي وفرقته قاموا يتحكمون بخير الكويت
ويقولك إن جمعية الشفافية إلي مقرها باليرموك تتبع الفتى الذهبي .. سلملي على الشفافيه وأهلها
ChEMiCaL-ENG
هههههه .. لا ما تستاهل .. الفلوس وصخ مو عدل
غير معرف - 1
:)) عرفت الإجابه
beezo
بل هذا زوجته نسره .. يمكن تقتله قبل لا يرجعهم علشان تورثه :)
الزين
ما اقدر أقول إلا آآآميين
اتوقع الرد بيكون : لا حرام هاذي مو فلوسك فر بالشارع ودور على ضايع منه 20 مليون اذا ما لقيته تصدق بــ 10 ملايين وخش 10 حقنا اكيد الله كاتبهم لنا :) (شوف حقنا مو حقك) جنها لاقيهم معاي ههههههههههه
ترى ما رد الفلوس الا انه يدري انهم يطلعونها من خشمه ..
نمووول
هههههههه
بصراحه صعبه فجأة تصير مليونير .. وترجهم
تلقى بليس لعب فيه لعب .. طبعا إبليس بهالحاله زوجته
ضروري ومهم لكل مسلم سني
http://boabdalmalk.blogspot.com/2010/03/blog-post_30.html
اتمنى تحميل الفلم ونشره
لتعم الفائده على الجميع
وليأخذوا الحيطه والحذر
اتمنى اظهار الرد
ههههههه
ايه خير ان شاء الله أصلا ما أرجع البيت ههههه
لو انا على طول برررنت كشف حساب وخل اشوفهم يسوون شي على طول قضيه
عاد لو يصير برصيدي ٢٠ مليون ولك ما أرد على أكبر راس
انا قريت العنوان قلت ..
" الله ! كافي اعيش الشعور يوم واحد "
بس قريت الردود وقلت ..
اثاري الرياييل ملائكة واحنا ماندري!
لووول
صوت الكويت اسمع هالسالفه من يومين صارت
في واحد سحب فلوس من الاي تي ام و نسى
ياخذ فلوسه و تالي رجع ما لقاهم المسيجين
جان يحط ورقه عالمكينه و كتب بالعربي
و الانجليزي " نسيت مبلغ و قدره ٣٤٠ دينار "
و يتوسل باللي يلقاهم يتصل فيه .
و الا اللي ماخذهم من ربع سلامو اليكم اللي
ينظف الشارع اللي يم البنك
صادوه البنك عن طريق الكاميرا و طقوه طق
لين زاعهم الفقير .
هالمره عشرين مليون و ما يردهم!!
يبذحون يلده هههههه.
ابو عبدالملك
مشكور على الرابط .. ومن يريد الإطلاع عليه يدخل على مدونتك
أبوفلان
هااااااا .. للحين ما دخل المبلغ بحسابك ومنت راد على أكبر راس ..
على كل راعي النصيفه سالم
Shaikha
بييييه توج تدرين إن الريايل ملائكه .. عيل كل هالمده شعلابالج
من يابنه الأرض غيركم
عاضـه
يبذحون يلده مو مشكله .. يعالج يلد بمليون ويصفى على 19 مليون .. لاا يغير يلده كله بعد
والله آنا أعرف واحد دخل بحسابه 3 ملايين قبل جم سنه والأخ راجع البنك يستفسر عنهم (يحليله) طبعا ما طلع من البنك إلا حسابه مولي .. الأخ للحين يسولف السالفه ومتحسف
لووول
و هم واحد قبل لا يسوون يوم الخميس دوام
سحب الاربعا بالليل و شاف بحسابه حروة
ال10تالاف داشين حسابه بالغلط ، من خوفه على عمره
ما نام طول الويك اند ، صار مثل الحرامي يفتر عالبنك
يبي يشوف اي موظف بالبنك يقوله عدلو حسابي تكفون ياالايواد .
و خرعته ان تييله تهمة غسيل اموال لوووول
حبيب صوت الكويت
صوت الكويت
تكفى مو امر
سوو دعايه للفلم لعلا التاس يأخذون حذرهم
عاضه
:))) حلوه غسيل الأموال .. هذا شكله يخاف من ظله
تحيااااتي
ابوعبدالملك
تامر أمر
بس شفت الفيديو أكثر من مره ..بصراحه ما فيه ماده قويه وشكله مقطع منه وايد ..
لالا انت نزل الفيديو من الرابط لان مدة الفيديو 30دقيقه
مو مقطع
هذا فيديو جديد حصري
اقوى من اللي قبله ومصحوب بأدله
http://gettyfile.ru/503112/
بأسم غزوة الاسير
إرسال تعليق