متى نشهد ساعة الأرض

٢٠١٠-٠٣-١٦



في 27 مارس الجاري سوف يتم فيها قطع الكهرباء عن عدد من المدن الرئيسية لمدة ساعة كاملة من الساعة الثامنة والنصف مساء وحتى التاسعة والنصف مساء، وذلك بمناسبة ما يسمى بـ "ساعة الأرض"
وتشارك 92 دولة بهذه المناسبة من بينها السعودية والإمارات، ففي مساء 27 مارس ستطفئ الأنوار عن ما يقارب 2500 مدينة ومحافظة في مختلف دول العالم .
وكانت الفكرة بدأت قبل عامين بمبادرة أسترالية هدفت إلى لفت الأنظار إلى مقدار السهولة التي يمكن بها تخفيف الضغط على موارد كوكب الأرض وتقليل التأثير الذي تحدثه الحضارة الصناعية على المناخ.
وستعيش أهم المعالم حول العام في الظلام لمدة ساعة من أجل كوكب الأرض، إضافة إلى مشاركة مبان شهيرة مثل رويال البرت هول، ومركز مانشستر يونايتد، وستورمونت، وانفيرنيس، وويلز استاد الألفية، وبرج الشراع، وشركة كوكاكولا وإيكيا . والإمارات كانت أول دولة خليجية تخوض التجربة العام الماضي.

-
تتوقعون متى تستطيع الكويت المشاركة بهذه المناسبة وتطفأ الكهرباء لمدة ساعة في هذا اليوم .. ولو حصل فعلا، ماذا سوف يكون حال البلد لمدة ساعة .. والسؤال الأهم من هو الشخص الذي يستطيع أن يقدم مقترح المشاركة .. ومن هو الشخص إلي يقدر يتخذ قرار المشاركة...!!!؟

27 التعليقات:

panadool يقول...

لووووووووووووووول

إحنا الكهربا تنقطع عندنا بالفطره

عاديه السالفه


تحياتى لك

ChEMiCaL-ENG يقول...

السلام عليكم

شاركنا
:)

http://www.youtube.com/watch?v=R0l1vGQY1uI

الدانة يقول...

صباح الخير ..
شكرا للمدونة الوطنية..
يبه احنا متعودين على هالسوالف صار قطع الكهربا عندنا مثل بندول المستوصف بكل حزة بسبب وبدون سبب ..
انا اقول خل يخف البوق بالديرة واحنا راح نوفر فلوس وايد نستفيد منها بالتنمية والتعمير..
الدانة

صوت الكويت اشلونك يا الغالي

تصدق هم عندي فكره براسي من هالنوع
و من زمان بحيت الشغله تكون اختياريه
و يتم اطفاء الكهربا لمده يوم واحدد بالسنه
خبرك مثل عيد الام او المناسبات اللي تصير
يوم واحد بالسنه و الهدف اقتصادي بالدرجه
الاولى و الشي الثاني حلوه اليمعه مع العيال
تحت نور الشمعه و الا السراي و هم تذكرهم
بعيشة اهلنا قبل بدون الكهربا و يشعرون بهالنعمه
و يحافضون عليها لانك كثر ما تصارخ عليهم يطفون
اللي مالهم حاجه فيه ما يسمعون الحجي
و وحده من الفوايد تدريب الشرطه في حال انقطاع
الكهربا المفاجيء باي منطقه و شلون يتعاملون مع
الوضع مثل ما صار بالجهرا من اسابيع .
اي نسيت اذكر ان هاليوم ما يكون بنص
شهر ٨ لول يكون بالربيع مثلا .
اشرايك بالاقتراح لو انت وزير الكهربا ما تتبناه :))
تحياتي .

صوت الكويت يقول...

panadool

:)

الصيف قادم وابشر بحملةترشيد والقطع المبرمج ..العالم ما يدرون إن الكويت أكثر دوله تحتفل بساعة الأرض وبخاصة بالصيف ..

صوت الكويت يقول...

ChEMiCaL-ENG

أتوقع انت من كليةالهندسة والبترول فريق مكافحة الاحتباس الحراري لانكم اتوقع متبنين الفكره

بس وين دور الهيئة العامة للبيئة ووزارة الكهرباء

الله يعطيكم العافيه

ChEMiCaL-ENG يقول...

السلام عليكم

مجرد مواطن بسيط ما لي أي علاقة بهالتنظيم اللي صار بس كان عندي خبر عنه

و الإهتمام بهالموضوع مو رسمي بل نشاط تطوعي

هذا اللي أعرفه

خالف تعرف يقول...

ههههههههه

اسكت لا يسمعك محمد هايف ويقول بدعة

صوت الكويت يقول...

الدانة

صباح النور

مشكوره

البوق بالديره ما يخف .. الحراميه بإزدياد وشعارهم من أمن العقوبة ساء الأدب .. آنا دائما أتذكر كلام واحد مصري كان يقول هو في حد في هالبلد راح بداهيه

لازم نسوي يوم ساعة البوق ويصير محد يبوق لمدة ساعة .. أتوقع راح يخلونها في 29 فبراير !!؟

صوت الكويت يقول...

عاضه

والله خوش فكره إذا بالربيع

آنا ما عندي مشكله بس لا يصير في هاليوم مباراة حق ريال مدريد وماكو تلفزيون:)

بصراحة قعدت أتخيل هاليوم .. وراح تفكيري لتفاصيل كثيره .. مثلا يصادف هاليوم إستجواب بالمجلس وظلمه وماكو كهربه يعني إخذ صراخ وصوت مطرقة الخرافي

أو يصادف مباراة بالليل .. أتخيل يحطون جرس بالكره علشان يدلونها

وايد شطيت :)

بس والله الفكره حلوه ولو آنا وزير الكهرباء يمكن أسويها

صوت الكويت يقول...

ChEMiCaL-ENG

على كل مشكور على المعلومه .. بصراحة ما كنت أعرف عنها ولكن لما قريت تعليقك رحت أدور بالنت وعرفت إن كلية الهندسه مهتمين بالموضوع ومشاركين العام في هالمناسبه

ومشكور وايد للمرور والمشاركه

صوت الكويت يقول...

خااالف تعرف

:)))

لا يحوشك .. لا ويطالب بإباحت دمي
بس ما عليك السعوديه مشاركه هالسنه ما يقدر يتكلم :)!!

بو عبدالملك يقول...

اخاف تطفي الكهربا ويخرب المحول الرئيسي
هههههههههههه

Bor8y يقول...

لا يمعود في هالتاريخ احتمال كبير ايكون عندي امتحان بالجامعه ويمكن ايبلش 6 او 8 ليلحين ماردولنا خبر

لوووووووووووووووول

لو تصير صج مادري شبسوي بالمتحان نحل على القمر

الا على طاري لكويت بالعكس من صالحها تسكر اهيه تبيها من الله تسكر الكهربا

صوت الكويت يقول...

ابو عبدالملك

هههههه
الله يعطيك العافيه .. هذي أول مره أشوفك تضحك فيها

المحول الرئيسي خربان من زمان .. لو مو خربان شان تشوف البلد هذا حالها ّّّ!!؟

بو عبدالملك يقول...

صوت الكويت
بيني وبينك المحولات الرئسيه لدول الخليج كلها خربانه
مو بس محول الكويت
ههههههههه

بو عبدالملك يقول...

ماتشوفهم يبون يسوون الربط الكهربائي لدول الخليج

صوت الكويت يقول...

Q8-HANDICAP

:) بالعكس إمتحان وماكو كهرباء

إخذي معاج منظار ليلي وبراشيم والنجاح مضمون

صوت الكويت يقول...

ابوعبدالملك

تحليل منطقي :)

Faisal يقول...

الكويت أفضل من هالدول كلها، لأنه اهما يقطعون الكهربا لمدة ساعة وحدة بالسنة، بينما بالكويت عندنا مهرجان لقطع الكهربا طوال العالم

غير معرف يقول...

انا اقول لا نشارك بالمهرجان لانه واحنا شابين الليتات الديره قاعده تنباق هالمره بعد الليتات طافيه ؟ والله على ما ترجع مره ثانيه الا حتى هدومنا الي علينا مبيوقه

وبعدين حتى لو حبينا نشارك انا اقترح يطفون ليتات مبنى مجلس الامه ومبنى مجلس الوزراء علشان الديره تهدا بهالساعه والناس تشوف نفسها

غير معرف يقول...

انا اقول لا نشارك بالمهرجان لانه واحنا شابين الليتات الديره قاعده تنباق هالمره بعد الليتات طافيه ؟ والله على ما ترجع مره ثانيه الا حتى هدومنا الي علينا مبيوقه

وبعدين حتى لو حبينا نشارك انا اقترح يطفون ليتات مبنى مجلس الامه ومبنى مجلس الوزراء علشان الديره تهدا بهالساعه والناس تشوف نفسها

غير معرف يقول...

اسمحلو اطلعو ثلاث بالغلط

غير معرف يقول...

اسمحلو = اسمحولي

والله توني قاعد من النوم

نمووول يقول...

عدل كلام بانادول احنا من زمان مريحين البيئةوالكرة الارضية الكهرباء ما تنقطع ساعة بس الا ساعات ..

ما اعتقد ان قدرات الكويت الأمنية تمكنها من المشاركة يعني لما تنقطع الكهرباء تنقطع فجأة بس لما يكون وقت ايقافها معروف عاد تعال لاحق الحرامية .. :)

تحياتي

صوت الكويت يقول...

غير معرف

:) مسموح

لا يا معود إلا مجلس الوزراء ومجلس الأمه لا يطفون الكهربه عليهم .. أهم مع وجود الكهربه نشفوا البلد شلون إذا طفوها .. أتوقع ناقلات النفط طابور بالبحر تعبي من النفط والعداد واقف

صوت الكويت يقول...

نمووول

:) آنا بصراحه أحاتي جيرانا لأنهم خوال

بالليل مع الكهربه يا الله نشوفهم شلون إذا طفت الكهربه .. لازم تضحكه علشان تصيده من ضروسه

 
 
 

Powered By Blogger

تم إفتتاح المدونة بتاريخ 5 يوليو 2009