ديون العراق .. !؟

2010-04-07

حسب الأخبار التي تم إذاعتها هذا اليوم والمتعلقة بلقاء رئيس مجلس الأمه جاسم الخرابي مع بقية الشله الخربانه صباح هذا اليوم .. تم نقل رساله من سمو الأمير حفظه الله ورعاه إلى الأعضاء تتعلق بالنقاط الآتيه:
- سمو الأمير أوصى بعدم اضرار التصريحات بعلاقات الكويت
- أن ديون العراق ستعرض على مجلس الأمه قريبا !؟
آنا ودي أتكلم شوي عن ديون العراق .. وودي اقول أو أقترح أن يتم تحويل ديون العراق إلى صندوق المعسريين .. أتغشمر معاكم
الصج إن عندي إقتراح ثاني .. وودي أقول إن ديون الكويت على العراق هي أموال الشعب الكويتي .. وبالتالي إذا ناوين أو مفكريين إطيحونهم فأتصور لازم تاخذون رأي الشعب عن طريق إستفتاء عام وخلوا الشعب يقول رأيه .. لأن هالشعب أهو إلي تبهذل أيام الغزو وشاف أيام سوده .. فلا تضغطون على الشعب وتقهرونه وتاخذون قرارات مهمه وحساسه بدون لا تاخذون رأيه .. ترى لاعت شبودنا ... وسلامتكم

16 التعليقات:

غير معرف يقول...

طول عمرنا نسمع عن ( دكتاتورية الرجل الواحد ) .. الحمد لله اللي عشنا لين شفنا ( ديمقراطية الرجل الواحد )
والله ذكرتني بمسلسل الأقدار .. عوعو وعياله كل ماقال لهم شي قالو ( الشور شورك يايبا والراي رايك يايبا )
والله ماأدري ماذا سيطلق المؤرخين من تسمية على هذه الفترة من التاريخ السياسي للكويت .

مرقابي

kal ho na ho يقول...

والله مدوخين روسكم..
طيب ..ولنفترض اشفطوا للشعب ..ولمجلس الشعب بعد..
وطيحت الحكومة الديون!!
حزتها شبنسوي!!
والله ماودي أخورها .. أدري بحظي..
"ما تجي إلا في راس بري"

أقول عينوا خير وإن شاء الله بناخذ فلوسنا على داير مليم.. بس أنتوا ادعوا ربي ..


ودمتم

غير معرف يقول...

انا اقول حسبى الله على العراق والخرابى وشلته الدامره ما حصلنا منهم الا القهر والدمار للديره...انا مانى عارفه شنو يبون...الديره وشعبها ما يستاهلون هاللى قاعدين يسونه مانى عارفه شنو يبون بالضبط؟؟؟؟ماقول الا حسبنا الله ونعمه الوكيل....وعسى الله يهديهم...واعتقد ان التاريخ بسمى هالفتره فترة........كل واحد يسمى اللى فى باله.

غير معرف يقول...

هتلر على كل البلاوي الي سواه قال بما معناه اكبر ثروه لأي حكومه بالعالم شعب لا يفكر

هذا واحنا نفكر بعد لو ما نفكر شنو يسوون ؟

قهر

وطني الكويت يقول...

لاتعليق
لان في فمي ماء

Q8-HANDICAP يقول...

والله صح كلامك بيني وبينك الكلام واضح اليوم لمن قريته بالجريده

ابوك العود وده مع الاسف وكلامه واضح لو ان قايل نرفض جان قلنا اي والله لكن عرضها على مجلس الامه

الا بحاله وحده ايبغششونهم بالمشاريع ولا فلوس ولا ايحطون لنا جمن قانون ايسكتون فيه الشعب

والخوف مو اهني الخوف لي ساومونا قروض x بقروض اهني مصيبه

ومحد راح ياكلها غير الشعب

صوت الكويت يقول...

مرقابي

المؤرخون سوف يطلقون عليها فترة وباء الطاعون السياسي على الكويت

صوت الكويت يقول...

kal ho na ho

إنشاء الله يارب تحفظ الكويت وخيراتها من عبث العابثين


سؤال : شنو معنى إسم مدونتك
kal ho na ho

صوت الكويت يقول...

غير معرف - 1

مثل ما قلت بالتعليق السابق هذه فترة الطاعون السياسي على الكويت

صوت الكويت يقول...

غير معرف - 2

وآنا اقول أكبر ثروه لأي حكومة شعب يفكر ولكن أثول

صوت الكويت يقول...

حياتي هدف مو عبث

إي والله قهر

صوت الكويت يقول...

وطني الكويت

الله يعين الجميع ... للصبر حدود

تحياتي

صوت الكويت يقول...

Q8-HANDICAP

بالكويت عندنا مشكلة مياه .. وهم مايهم ينقط بالبحر .. مو الكويت أولى ولكنهم إسفل ما لهم أمان ولا إيي من وراهم خير .. هذول كفو نطيح ديونا عنهم .. ليش !؟

ابو صهيب يقول...
أزال أحد مشرفي المدونة هذا التعليق.
ابو صهيب يقول...
أزال أحد مشرفي المدونة هذا التعليق.
 
 
 

تم إفتتاح المدونة بتاريخ 5 يوليو 2009