وين العلة !؟

٢٠١٠-٠٤-٠٩


ليش كل شي حلو بالكويت يروح .. ليش من زمان ما سمعنا أخبار حلوه عن بلدنا .. ليش الشعب دائما يتشكه ويتذمر .. ليش كله عايشين في توتر .. ليش ما نعيش فتره طويله في هدوء وسكينه وراحة بال .. شنو مشكلة الكويت .. شنو مشكلة شعب الكويت .. شنو مشكلة حكومة الكويت .. شنو ناقصنا .. ليش ما نتعلم من مشاكلنا .. ليش ما نتعلم من أزماتنا .. ليش ما نتعلم من ماضينا .. ليش ما نتعلم من تجارب الآخرين .. هل عندنا مشكله بالنظام .. أم لدينا مشكله بالشعب .. إذكر قبل لمه نتكلم عن الكويت كنا نتكلم بفخر لأن كان هناك الكثير من الأمور الإيجابية والحلوه نقدر نقولها عن الكويت .. كنا من كثر ما نفتخر بهويتنا الكويتية وصلنا مرحلة من الغرور لدرجة كنا نقول فيها " كيفي كويتي " على كل تصرف نقوم فيه .. أخيرا ليش حكومتنا ما تقدر تدير شركة طيران وتحافظ على مستواها المعروف .. هل الحكومة التي لا تستطيع إدارة شركة طيران تستطيع إدارة بلد !؟؟؟؟

31 التعليقات:

عين بغزي يقول...

:)

ابتسامة المونليزا تكفي .

panadool يقول...

تسلم أصابيعك على هالكلام

وكل واحد مقصر وبالترتيب
1 الحكومة
2 الشعب
3 مجلس الامة

الشق عوووود وماترى من وين تخيط والجوية مثال من العشرات

تحياتى الحارة لك

Sami يقول...

عندما وصلنا الى مرحلة " كيفي كويتي" ..كانت بداية التدهور في شتى المجالات..انشالله لما نوصل "كيفي القانون" راح ترجع الكويت اول

غير معرف يقول...

وين العلة ؟؟؟ أصل العلة باطنية ولكن يبدو إن جماعتنا تبنوا كلمة ( باطنية ) باللهجة المصرية ...وبس

الحين عرفت ليش فنيلة منتخبنا أختاروا يكون لونها أزرق .. مثل دخان الباطنية

مرقابي

Mohammad Al-Yousifi يقول...

احلى شي الصورة

بو عبدالملك يقول...

الحل هو:
اولا تحرير الكويت من الاحتلال الامريكي

ثانيا ثم أزالة الدستور الكويتي وتطبيق الشريعه الاسلاميه التي تحث على العلم والتعلم والتطور
وعن طريق العلم والتعلم نتطور

ثالثا أحالة اصحاب المناصب العليا الى التقاعد ووضع رجال ذو دين وصلاح وخلق

رابعا تطوير التعليم وزرع العقيده الاسلاميه الصحيحه منذ الصغر بالاطفال

طبق هذيل تسلم

غير معرف يقول...

- نظام الحكم في الكويت ديمقراطي السيادة فيه للأمة مصدر السلطات جميعا .

- للأموال العامة حرمة وحمايتها واجب علي كل مواطن .

- العلة فينا حبيبي .

فارمر

غير معرف يقول...

الأخ أبو عبدالملك أسمح لي بسؤال ماقدرت أفهم النقطة الثالثة من تعليقك !!!
لأن من تذكرهم نري الكثير منهم يتغير ويتحول ويتلون بعد أكله من ( كنافة الأمير زهير ) وجلوسه على الكرسي الوثير وتمتعه بالمزايا والمميزات ومنهم أعضاء سابقين ووزراء حاليين وسابقين ومدراء عامين والقائمة تطول .. النماذج اللي تتمناها إنقرضت ماعاد نسمع عنها إلا بالكتب والسير ... إحنا الحين في عصر العولمة والإنفتاح الإقتصادي .. وإذا بيتك مو ثلاثة أدوار وسرداب وعندك عشا كل أسبوع فأنت !!!!!!!

أسف على الإطاله والسموحة من صوت الكويت للمداخلة مع أبو عبدالملك

مرقابي

العله يا صوت الكويت بالنواب
اللي يمثلون الوحده الوطنيه
و ناخبينهم من ابناء الوحده الوطنيه .

بو عبدالملك يقول...

غير معروف
التعميم وقضية ان لايوجد شخص ذو خلق ودين وقياسك على من دخلوا الوزارات فهذا امر خاطئ
لاني انا قلت بالبدايه طبق الشريعه وبعدها عين وزراء

اما دوله مافيها قانون وتعين وزراء اكيد راح يفتن بالمال والمنصب

بو عبدالملك يقول...

وان كنت تريد اهل الصلاح اسأل اهل الصلاح

joe يقول...

الكويت من السيء الى الاسوء

غير معرف يقول...

الناس صار فيها طمع وجشع وما قمنا نشوف الطيبه والسماحه فيهم وغيره وغيره وغيره

الشعب ما راح يتعدل الا بعد بلاء ينزل عليهم او فقر او اي شي يعدل هالناس من داخل

لا

غير معرف يقول...

صح لسانك يا معلم

وطني الكويت يقول...

صح لسانك

وطني الكويت يقول...

صح لسانك

صوت الكويت يقول...

عين بغزي

تكفي وزياده :)

صوت الكويت يقول...

panadool

حياك الله ومشكوور

فعلا الشق عوود .. وحل مشكال الكويت عند أهل الحل ولي مقصر وعوي يعدلونه أهل الحل !!

صوت الكويت يقول...

Sami

أيييي القانون .. ماني عارف ليش محد يحترمه بهالبلد .. مسكين هالقانون الحكومة والمجلس يسونه وبعدين يشجعون الشعب على مخالفته

صوت الكويت يقول...

مواطن مصري

صوتك وصل

صوت الكويت يقول...

مرقابي

:) الباطنيه حته وحده

ما دام العله باطنيه يكون علاجها بالخروع

صوت الكويت يقول...

ma6goog

:))) وأحلى ما في الصوره عنوان الموقع الإلكتروني إلي تحت شعار الكويتية

صوت الكويت يقول...

ابو عبدالملك

عدل كلامك كلشي يتعدل إذا تثقف المجتمع ثقافة صحيحة وتعلم صح

صوت الكويت يقول...

فارمر

العله فينا .. ومن وين ياتنه العله .. مو منهم

صوت الكويت يقول...

عاضـه

:) عكس عكاس .. وسلامي على الوطنية

صوت الكويت يقول...

{~المباركية~}

للأسف كلامك صحيح

صوت الكويت يقول...

غير معرف


لا يا معود مانبي بلاء ولا غيره .. الغزو ما فاد .. طريقة إدارة البلد تحتاج إلى تعديل من القيادة ووضع الرجل المناسب بالمكان المناسب وتطبيق القانون على الجميع

صوت الكويت يقول...

كويــتي لايــعه كبــده

OK

صوت الكويت يقول...

غير معرف -2

صح بدنك .. تسلم

بو عبدالملك يقول...

صوت الكويت
مو من صالح الانظمه الحاكمه ان يتثقف الشعب

لان تثقف الشعب يعني وعي الشعب وعي الشعب يهدد كرسي النظام الحاكم


لكن في شغله انا ملاحظها
دائما التيار اليبرالي يسقط سبب توقف التنميه في الكويت على الاسلاميين
وهذا شي خاطأ لان الاسلاميين قدموا استجوابات لازالة الحكومه الفاسده لكن اعضاء اليبراليين وقفوا مع الحكومه بجميع الاستجوابات

 
 
 

Powered By Blogger

تم إفتتاح المدونة بتاريخ 5 يوليو 2009