إن فات الفوت ما ينفع الصوت

٢٠١٠-٠٥-٠٢


قالت : إفتح الباب .. أنا خديجة زوجتك
قال : أنا مالي خلق ما أقدر أفتح الباب .. روح يا ولدي عثمان إفتح الباب لأمك
قال ولده عثمان : ما أقدر مالي خلق .. روح ياخوي خضر إفتح الباب
قال خضر : لا ما أقدر وآنا بعد مالي خلق وتعبان حدي
قال الأب : خلاص يا خديجة إحنا ما نقدر نفتح الباب .. إنتي طالق .. روحي بيت أبوش

قالت خديجة : يااااويلي .. ياليتني طلـّعت المفتاح من الجنطة !


بعد أن قرأت القصة... اقرأها مرة ثانية ولكن مع استبدال الشخصيات التي بالقصة بأشخاص آخرين حسب التالي مع الأخذ بعين الإعتبار الاحترام والتقدير لكل الشخصيات التي سوف أذكرها

الزوجة (خديجة) : أعضاء مجلس الأمة
الزوج : سمو الأمير حفظه الله
الولد عثمان: سمو ولي العهد حفظه الله
الولد خضر : سمو رئيس الوزراء

مع الظروف التي تشهدها الكويت.. وبخاصة حالة التأزيم المتكررة بين المجلس والحكومة .. وبعد الكلام عن الدستور وإمكانية تعديله .. وكلام سمو الأمير حفظه الله الأخير في المانيا ... سوف يكون هذا حال أعضاء مجلس الأمة .. بالنهاية نقول إن فات الفوت ما ينفع الصوت
.

8 التعليقات:

الزين يقول...

لوووووول

ترى عجبتني القصه

الله يهديها خديجه جان فتحت الباب بروحها

kuwaiti_cool يقول...

هههههههههههههههههه

خديجه طلعت رفله

المفتاح بيدها ليش اتحرش


الله يستر

لوووول
الله يشرح صدرك يا الصوت جانك
وسعت صدورنا مع مطرة اليوم الزينه

الله يخلف على عقل خديجه و ياخذها
مره وحده بعد :)

غير معرف يقول...

الله يسمع منك ان شاء الله وتتطلق خديجه الكويتيه

صوت الكويت يقول...

الزين

هههه

خديجه مخديه ماكو فايده منها

صوت الكويت يقول...

kuwaiti_cool

رفله حدها ...خوفك تخلص العده وما يردها الريل .. إهني الله يستر

صوت الكويت يقول...

عاضه

:)))

دوم إنشاءالله
لا عاد ما أرضى على خديجه .. إدعي لها تصير مره سنعه وتحفظ بيتها وبيت العائله !

صوت الكويت يقول...

غير معرف

تتطلق طلقه وحده علشان إتسنع .. وبعدين يردها الريل ويعطيها العين الحمره

 
 
 

Powered By Blogger

تم إفتتاح المدونة بتاريخ 5 يوليو 2009