محــــــــــــــــــال

2010-12-11

تذكــرون أغنية عبدالكريم عبدالقادر - محـــال - تذكرونها بالتأكيد
ويقول فيها " عمر المحال ما يصير " وكلمات وجمل أخرى ..
هذا حال الحكومة والمعارضه في كل مكان وفي كل الدول الديمقراطية إن صح التعبير .. حالهم "محــــال"
محـــال إنهم يتفقون
محـــال إنهم يتصافون
محـــال إنهم يكسبون الجميع
محـــال إنهم يتعادلون بالقوه
لازم يكون واحد أقوى من الثاني .. واحد لديه قدره أكبر على المناوره والتكتيك والآخر أقل منه.
مره الحكومة تمسك زمام الأمور ومرة أخرى تمسكها المعارضه.
-
بالكويت مشكلتنا بسيطه جدا جدا .. المشكله ببساطه أن لا يوجد أحد مقتنع بالحكومة ولا أحد مقتنع بالمجلس وأقصد بالقناعة هي القناعة بالأداء للطرفين وليس بالمبدأ.
ما هو الحل على الأقل في الوقت الحالي .. نتابع فصول المسرحية الفكاهية بممثلينها التي غالبيتهم "كمبارس" لغاية ما ينتهي عبدالكريم عبدالقادر من قول جملته " إما بجرحك ولا بجرحي .. لازم واحد فينا يضحي".
-
وألف تحية على التنميه وإلي خلفها




4 التعليقات:

خادم العترة يقول...

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته

محال أن ترتاح الكويت من الأزمات المتوالية عليها

الكويت تنزف وتنزف فمن المستفيد ؟

غير معرف يقول...

انا اتوقع من الشروط الي لازم تكون بعضو مجلس الأمه انه يعرف يلعب شطرنج لكي يستخدم تكتيكاته في حاله الهدوء السياسي ولازم يعرف يلعب بنبول وتنس طاوله واكو لعبه اسمها تترس الي ينزل من فوق عصايه واهوا يلفها مثل ما يبي لما ياكل اكبر اكله وبعدين ينزل من فوق مربع وهلم جرا ويستخدم هالاساليب في حاله الاحتقان السياسي

صوت الكويت انا اقول محد راح يضحي بأحد لانه احنا شغلنا مربوط كله برا الديره يعني اغلب الشغلات اتيينا معلبه من برا واحنا نفتح هالعلب وانطبق الي فيها بالحرف الا ما رحم ربي

يجب والف يجب تفعيل دور دكاترة الجامعه ومعهد الابحاث ويجب على الحكومه ارسال بعثات الى جامعات محترمه عالميه ويكون شغلنا كله بالدراسات لتكوين فكر كويتي بحت يناسب المجتمع الكويتي اما الوضع الحالي كل واحد قاعد يستورد فكر وقاعد يتصادم مع المجتمع والمشكله محد متقبل أحد

صوت الكويت يقول...

خادم العترة

المستفيدين هم بلاعين البيزه

صوت الكويت يقول...

غير معرف

أتفق معاك "فكر كويتي بحت يناسب المجتمع الكويتي"

 
 
 

تم إفتتاح المدونة بتاريخ 5 يوليو 2009