هوس البلاك بري

٢٠٠٩-١٠-١٨



في المنطقة التي أسكن فيها يوجد محل لبيع الهواتف في فرع الجمعية، قبل عدة أسابيع وضع هذا المحل لوحة على واجهة المحل كتب عليها يوجد لدينا بلاك بري. من ذلك اليوم وخلال مروري ناحية المحل عند خروجي أو عودتي للمنزل لاحظت الزيادة الغير طبيعية في عدد الزبائن المتواجدين في محله (عسى الله يبارك له برزقه) ولاحظت أن غالبية الزبائن بشكل خاص من الشابات. كنت أتساءل شلي صاير عنده في المحل، مسوي تنزيلات أو يايب بضاعة جديدة ولم أرعي إهتمام كبير لموضوع لوحة البلاك بري.



أخذني الفضول وذهبت إلى المحل ، وكان ماشاء الله متروس بنات كويتيات . قمت أطالع وأتلفت أبي أعرف شالموضوع وليش هالزحمه، اكتشفت إن كلهم موجودين بالمحل لشراء الغطاء أو الغلاف الخارجي لجهاز البلاك بري. بصراحة تفاجأت بالموضوع وبخاصة لأني ليس لدي اهتمام كبير في موضوع التلفونات والإكسسوارات الخاصة بكل جهاز.
طلعت من المحل وآنا أقول صج الكويتيين إذا هبوا بالشي يقوم سوقه !!!





7 التعليقات:

Mohammad Al-Yousifi يقول...

امس ولد اختي عمره 10 سنين عنده بلاك بيري

قمت اتفشل اقول ما عندي واحد

احس اني مو مهم

Shaikha يقول...

LOOOL !
فعلاً الموضوع صار اشبه بالهوس ، اذكر في اول يوم دوام سألتني وحده من البنات في اول تعارفنا " موبايلج بلاك بيري ؟ " استغربت السؤال و ابتسمت قلتلها لأ !


يقولون في مميزات وايد حلوه ، الله العالم يمكن ناخذلنا واحد ، من مطعم باباي ! حتى هالمطعم صارت هداياهم بلاك بيري
hehe ..

هم موقف صارلي بوقت السفر ..
بالسوق " ملابس نسائي \ولادي\ بي بي "
استغربت وقتها شنو بي بي ؟ بلاك بيري يعني ملابس بي بي قصدهم كفرات ولا شنو !
آخر شي طلع " Baby "
LOL !

غير معرف يقول...

هذا إلي فالحين فيه بنات الكويت

صوت الكويت يقول...

ma6goog
شكلهم عندنا بالدوام راح يوزعون علينا بلاك بري
وآنا بالتلفونات حدي أعرف أكتب مسج وأدزها
أذا عطوني واحد أتوقع بعدها بجم يوم راح يصير بربري

صوت الكويت يقول...

Shaikha
:))
نطري جم شهر تلقينه يتوزع مع وجبات هارديز

صوت الكويت يقول...

غير معرف
عدااال

غير معرف يقول...

حمى البلاك بيري ابتدت من قطر و انتشرت في انحاء الخليج عند البنات خصوصا ..

اهو جهاز قوي و إذا الواحد مو قادر يشتريه كاش .. شركات الأتصالات توفره فل باكج و بالتقسيط

هالأيام .. الوناسة بالأستهلاك.. محد يحط في خاطره شي .. كل شي ممكن يتقسط !!

 
 
 

Powered By Blogger

تم إفتتاح المدونة بتاريخ 5 يوليو 2009