آنا وولد عمي كلبونا جماعه 2- الشركه

٢٠١٠-٠٢-١٣

الي ابيكم تعرفونه ان ولد عمي متزوج اختي العنيده، وعنادها هذا مخليني احسب الف حساب لها وماودي اضايق ولد عمي علشان لا ازعلها لانها عزيزه علي وايد. ولد عمي بيني وبينه حواجز كثيره من زمان ، وهذي الحواجز سببها الشركه الي نملك فيها حصص كبيره انا وياه الحين ، واستطعت قبل عدة سنوات أن انتخب كرئيس مجلس ادارتها وطبعا إنتخابي ما إعجبه وعصب وزعل ودخَل الشركه بأزمه ولكن الحمد لله عدت على خير .. بصراحه آنا عندي شعور وإحساس من زمان بأني آنا الأفضل بين كل إخواني وعيال عمي ... بس بصارحكم وأقول لكم إن آنا عندي عقده قديمه موقادر أتخلص منها ودائما أتذكرها وسببها مواقف بعض عيال عمي السلبيه معاي لمه طلعوني من اداره الشركه عندما كنت مدير ادارة العلاقات الدولية بالشركه قبل كم سنه عندما مرت الشركه بأزمه كبيره وكادت أن تفلس وكانوا وقتها يحملوني مسؤولية هذه الأزمه ... بالنسبه لباجي اخواني وعيال عمي الحاليين فهم بعد يملكون بالشركه ولكن حصصهم اقل وبعضهم حاليا أعضاء في مجلس إدارة الشركه.

هذي الشركه ورثناها من جدنا الكبير الله يرحمه وبعد ما توفى تركها لنا وهي قويه ، جاء من بعده على ادارة الشركه أبوي وعمامي الي في عهدهم ازدهرت الشركه وكثرة ايراداتها وتقوى مركزها المالي وصارت وحده من اهم الشركات في المنطقه.

ولد عمي طول عمره ماله شغل بالشركه الكبيره .. ولا يهتم بمشاكلها .. كان كل همه شلون يأخذ الارباح وبأي طريقه مقابل التخلي عن حقه في المشاركه في ادارة الشركه ,, مع هذا سواله شركه صغيره وقدر يكبرها بس ما طلع ارباح وكله خسرانه لان بضاعتها الي تنتجها محد احتاجها إلا في فترات قليله .. قبل كم سنه قررت أن أخلي واحد من إخواني يشاركه بشركته وقدرت ان أقنعه ان يخلي واحد منهم يساعده في ادارتها ولكن ما نجح .. وقدرت مره ثانيه ان اقنعه ان يخلي اخوي الثاني الى شويه شاطر ونبيه ان يكون مساعده في ادارة الشركه ... وفعلا نجح اخوي الثاني من سحب البساط منه شوي شوي في ادارة الشركه الصغيره وبخاصه لما سافر ولد عمي سفرته الأخيره ولَي طول فيها لمدة سنتين خارج الكويت.

-

-

نهاية الجزء الثاني .... يتبع